नेपाल लाइफ बन्याे 'फिफा विश्वकप २०२६' को नेपाल प्रसारणमा  सह-प्रायोजक

काठमाडौं- नेपाल लाइफ इन्स्योरेन्सले नेपालमा फिफा विश्वकप २०२६ को प्रसारणका लागि हिमालय स्पोर्ट्ससँग सह-प्रायोजकको रूपमा सहकार्य गरेको छ। नेपालमा विश्वकपको प्रत्यक्ष प्रसारण हिमालय स्पोर्ट्स टिभी र डिगो (DIGO) एपमार्फत भइरहेको छ।

फिफा विश्वकप जस्तो प्रतिष्ठित प्रतियोगिताको प्रसारणमा सहभागी हुन पाउनु कम्पनीका लागि गर्वको विषय भएको नेपाल लाइफले जनाएको छ। इन्स्योरेन्सका प्रमुख कार्यकारी अधिकृत प्रवीण रमण पराजुलीले खेलकुदले मानिसहरूलाई भावनात्मक रूपमा एकतामा बाँध्ने बताए।