आईपीएल २०२७ चाँडै सुरु हुन सक्ने, कारण के ?

काठमाडौँ । आगामी संस्करणदेखि इन्डियन प्रिमियर लिग (आईपीएल) को सुरुवात केही दिन अगाडि नै गर्ने तयारी भएकाे छ ।

भारतीय क्रिकेट नियन्त्रण बोर्ड (बीसीसीआई)का सचिव देवजित सैकियाले आईपीएलको सुरुवात केही दिन अगाडि नै गर्न सकिने संकेत दिएका हुन् । अत्याधिक गर्मी र मे महिनाको उत्तरार्धमा हुने मनसुन पूर्वको वर्षाका कारण खेलहरू प्रभावित हुन सक्ने भन्दै बीसीसीआई र आईपीएल गभर्निङ काउन्सिलबीच प्रतियोगिता चाँडै सुरु गर्ने विषयमा छलफल भइरहेको उनले बताए ।