क्लियर मेनले नेपालमा ल्यायो फिफा वर्ल्ड कप २०२६ टीएम अभियान

विश्वकै एन्टी–ड्यान्ड्रफ मेन स्याम्पु ब्रान्ड क्लियर मेनले फिफा वर्ल्ड कप २०२६टीएमसँगको आफ्नो विश्वव्यापी सहकार्यलाई केन्द्रमा राख्दै नेपालमा ‘क्लियर हेडले खेलौँ’ अभियान सार्वजनिक गरेको छ ।

कम्पनीले नेपाली युवामाझ बढ्दो फुटबल संस्कृतिलाई लक्षित गर्दै अभियान सञ्चालनमा ल्याएको जनाएको छ । पछिल्लो समय फुटसल, खेल स्क्रिनिङ, सामाजिक सञ्जाल र सडकस्तरीय गतिविधिमार्फत फुटबलप्रतिको आकर्षण बढ्दै गएको सन्दर्भमा अभियान सार्वजनिक गरिएको कम्पनीको भनाइ छ ।

अभियानअन्तर्गत क्लियर मेनले सीमित संस्करणको ‘रोनाल्डो प्याक’ बजारमा ल्याएको छ । उक्त प्याकमा पोर्चुगिज फुटबल स्टार क्रिस्टियानो रोनाल्डोको तस्वीर र हस्ताक्षर समावेश गरिएको छ ।

अभियानको प्रमुख आकर्षणका रूपमा ‘क्लियर हेडले खेलौँ’ शीर्षकको एन्थम सार्वजनिक गरिएको छ । नेपाली हिप–हप कलाकार गिरीश खतिवडाले प्रस्तुत गरेको गीतले क्लियर मेनको विश्वव्यापी सन्देश ‘प्ले विथ अ क्लियर हेड’ लाई नेपाली युवापुस्ता र फुटबल संस्कृतिसँग जोड्ने प्रयास गरेको कम्पनीले जनाएको छ ।

युनिलिभर नेपालकी मार्केटिङ हेड सुरभी गोस्वामीले फुटबल खेल मात्र नभई अभिव्यक्तिको माध्यमसमेत बनेको बताइन् । उनका अनुसार अभियानले फुटसल मैदान, खेल हेर्ने कार्यक्रम, सडक र सामाजिक सञ्जालमार्फत फुटबललाई अनुभव गर्ने नेपाली युवासँग जोडिने लक्ष्य राखेको छ ।

यस्तै, युनिलिभर नेपालका प्रबन्ध निर्देशक अम्लान मुखर्जीले फिफा वर्ल्ड कप २०२६ को विश्वव्यापी उत्साहलाई नेपाली फुटबल समर्थकहरूको अनुभवसँग जोड्दै उपभोक्तासँग थप अर्थपूर्ण सम्बन्ध स्थापित गर्ने उद्देश्य अभियानको रहेको बताए ।

कम्पनीले उपभोक्ता सहभागिता बढाउन नेपालमा पहिलोपटक ‘सीआर७ हेयरकट, वास एन्ड स्टाइलिङ एक्सपिरियन्स’समेत सुरु गरेको छ । दराजमार्फत सीमित संस्करणको रोनाल्डो प्याक खरिद गर्ने उपभोक्ताले काठमाडौंस्थित लक्ष्मी सलुनमा उक्त सेवा निःशुल्क प्राप्त गर्न सक्ने कम्पनीले जनाएको छ ।

क्लियर मेनका अनुसार अभियानलाई डिजिटल प्लेटफर्म, स्थलगत कार्यक्रम, टिकटक तथा रिल्स चुनौती, सामग्री निर्माता र अन्य उपभोक्ता–केन्द्रित गतिविधिमार्फत विस्तार गरिनेछ ।

हाल क्लियर एन्टि–ड्यान्ड्रफ स्याम्पु ‘मेन्स कुल स्पोर्ट मेन्थोल’ र ‘विमेन एन्टि हेयरफल’ गरी दुई प्रकारमा उपलब्ध छन् । यी उत्पादन ३२५ एमएल र ६२५ एमएल प्याकमा बजार तथा अनलाइन माध्यममार्फत बिक्री हुँदै आएका छन् ।

प्रकाशित मिति: शुक्रबार, असार ५, २०८३

१६:२८