रवि पक्राउविरुद्धको आन्दोलनमा जनताले साथ नदिएपछि तनावमा रास्वपा, प्रदर्शन स्थगितको तयारी

पार्टी सभापति रवि लामिछाने सहकारी ठगी प्रकरणमा पक्राउ परेपछि सडक आन्दोलन थालेको रास्वपा तनावमा परेको छ।

२ कात्तिकमा काठमाडौंबाट पक्राउ परेका रविलाई पोखरा लैजाँदा पार्टीको सिंगो शक्ति उनीसँगै पोखरा पुगेको थियो। शनिबार र आइतबार प्रदर्शन गरेपछि रास्वपाले देशभर आन्दोलन गर्ने घोषणा गरेको थियो। तर, अदालतले दुईपटक म्याद थप गरिदिएपछि रास्वपालाई आन्दोलन थेग्न हम्मेहम्मे परेको छ।