पहिलो चलचित्रबाटै राष्ट्रिय पुरस्कार जितेपछि नवीन चौहान: सपनाहरू साँच्चै पूरा हुँदा रहेछन्

चलचित्र 'ऊनको स्वीटर' ले तीन विधामा राष्ट्रिय चलचित्र पुरस्कार जितेको छ। 'राष्ट्रिय चलचित्र पुरस्कार २०८२' मा यसले उत्कृष्ट चलचित्र, उत्कृष्ट निर्देशक र उत्कृष्ट अभिनेत्री गरी तीन विधामा पुरस्कार जितेको हो।

योसँगै नवीन चौहान पहिलो निर्देशकीय चलचित्रबाटै उत्कृष्ट निर्देशक घोषित भएका छन्। पहिलो चलचित्रबाट उत्कृष्ट निर्देशकको पुरस्कार जितेपछि निर्देशक चौहानले आफ्नो आफ्नो वर्षौंदेखिको सपना साकार भएको बताएका छन्।