मधेश प्रदेशमा मन्त्रिपरिषद् पुनर्गठन: मुख्यमन्त्रीसहित १२ सदस्यीय मन्त्रिमण्डल (सूचीसहित)

मधेश प्रदेशका प्रदेश प्रमुख सुरेन्द्र लाभ कर्णले मुख्यमन्त्री कृष्ण प्रसाद यादवको सिफारिसमा मन्त्रिपरिषद् पुनर्गठन गरेका छन् ।

नेपालको संविधानको धारा १६८ को उपधारा (९) बमोजिम मंगलबार नयाँ कार्यविभाजनसहित मन्त्रिपरिषद् पुनर्गठन गरिएको हो ।

प्रदेश प्रमुखको कार्यालयका प्रवक्ता विष्णु देव साहका अनुसार मन्त्रिपरिषद्लाई पूर्णता दिँदै ५ मन्त्रीको शपथ समेत मंगलबार नै भएको छ । मधेसमा नेकपा र एमालेसमेत सरकारमा सहभागी भएसँगै मन्त्रिपरिषद् पुनर्गठन गरिएको हो ।