फिफा विश्वकपको माहोलमा एलआरआर मोटर्सको ‘जिली महा फुटबल फेस्ट’, प्रत्येक गोलमा १ लाख रुपैयाँसम्म छुट

काठमाडौं । नेपालमा जिली EX5 र BAW सवारीसाधनको आधिकारिक आयातकर्ता तथा वितरक एलआरआर मोटर्सले फिफा विश्वकप २०२६ को उत्साहलाई लक्षित गर्दै ‘जिली महा फुटबल फेस्ट तथा सुपर एक्सचेन्ज क्याम्प’ सञ्चालनमा ल्याएको छ।

कम्पनीका अनुसार शुक्रबार सुरु भएको यो विशेष अभियान असार ९ गते (जुन २३) सम्म गैरीधारास्थित जिली शोरुममा सञ्चालन हुनेछ। अभियानअन्तर्गत ग्राहकले फुटबल खेल्दै नगद छुट जित्न सक्ने व्यवस्था गरिएको छ।

यस योजनाअन्तर्गत जिली EX5 खरिद गर्ने ग्राहकले पेनाल्टी सुटआउटमा गरेको प्रत्येक गोलबापत १ लाख रुपैयाँ तत्काल नगद छुट प्राप्त गर्नेछन्। त्यस्तै, BAW E7 Pro खरिद गर्ने ग्राहकले प्रत्येक गोलबापत २५ हजार रुपैयाँ नगद छुट पाउनेछन्।

कम्पनीले ग्राहकलाई सवारी खरिदलाई थप रमाइलो, सहभागितामूलक र प्रतिफलमूलक अनुभव बनाउने उद्देश्यले शोरुममै विशेष फुटबल मैदानको व्यवस्था गरेको जनाएको छ। विद्युतीय सवारी खरिद गर्न इच्छुक ग्राहकले कम्पनीका बिक्री प्रतिनिधिमध्ये एक जना गोलकिपर रहने पेनाल्टी सुटआउटमा सहभागी हुन सक्नेछन्। ग्राहकले गरेका गोलको संख्याअनुसार नगद छुट प्रदान गरिनेछ।

नगद छुटका अतिरिक्त ग्राहकले एक वर्षको अटो प्लस बीमा, एक वर्षको सवारी कर तथा निःशुल्क २–इन–१ एडाप्टेबल चार्जर पनि प्राप्त गर्नेछन्। साथै, कार्यक्रममा भेहिकल–टु–लोड (V2L) कफी अनुभव, प्रत्येक टेस्ट ड्राइभमा उपहार ह्याम्पर तथा पर्याप्त पार्किङ सुविधाको व्यवस्था गरिएको कम्पनीले जनाएको छ।

यससँगै सञ्चालन भइरहेको सुपर एक्सचेन्ज क्याम्प अन्तर्गत ग्राहकले आकर्षक एक्सचेन्ज बोनस, सवारी मूल्याङ्कन सेवा तथा अन्य विशेष अफरको समेत लाभ लिन सक्नेछन्।

एलआरआर मोटर्सका सेल्स हेड अधिर श्रेष्ठले फुटबलले उत्साह, जोश र उपलब्धिमार्फत मानिसलाई एकताबद्ध बनाउने खेल भएकाले सोही भावनालाई सवारी खरिद प्रक्रियासँग जोड्ने उद्देश्यले यो अभियान ल्याइएको बताए।

उनका अनुसार अभियानले ग्राहकलाई मनोरञ्जनसँगै आफ्नो क्षमता परीक्षण गर्ने र उल्लेखनीय बचत गर्ने अवसर प्रदान गर्नेछ। "चाहे प्रिमियम जिली EX5 होस् वा व्यवहारिक BAW E7 Pro, प्रत्येक गोलले ग्राहकका लागि थप मूल्य र बचत सुनिश्चित गर्छ," उनले भने।

कम्पनीका अनुसार अत्याधुनिक प्रविधि, प्रिमियम आराम, स्मार्ट सुरक्षा प्रणाली र उत्कृष्ट ड्राइभिङ रेन्जका कारण जिली EX5 ले नेपालका विद्युतीय एसयूभी बजारमा छुट्टै पहिचान बनाएको छ। त्यसैगरी, छिट्टै नेपाली बजारमा सार्वजनिक हुने तयारीमा रहेको BAW E7 Pro किफायती, व्यवहारिक र वातावरणमैत्री विद्युतीय सवारी खोज्ने ग्राहकका लागि आकर्षक विकल्प बन्ने अपेक्षा गरिएको छ।

एलआरआर मोटर्सले सम्पूर्ण फुटबलप्रेमी तथा विद्युतीय सवारीमा रुचि राख्ने ग्राहकलाई गैरीधारास्थित जिली शोरुममा पुगेर नयाँ विद्युतीय सवारीको टेस्ट ड्राइभ लिन, फुटबल खेल्दै आकर्षक छुट जित्न तथा एक्सचेन्ज अफरको लाभ उठाउन आग्रह गरेको छ। कम्पनीले थप जानकारीका लागि आफ्नो नजिकको शोरुम वा आधिकारिक सञ्चार माध्यममार्फत सम्पर्क गर्न अनुरोध गरेको छ।