खुश्बु ओलीको प्रश्नः संवैधानिक तथा प्रशासनिक निकायमाथि हस्तक्षेप किन ?

राष्ट्रिय प्रजातन्त्र पार्टी (राप्रपा) की सांसद खुस्बु ओलीले प्रधानमन्त्री तथा मन्त्रिपरिषद् कार्यालयका सल्लाहकार र सहयोगीहरूले राज्यका संवैधानिक तथा प्रशासनिक निकायमाथि अनुचित हस्तक्षेप गरेको बताएकी छिन्।

शुक्रबार प्रतिनिधिसभा बैठकमा बोल्दै सांसद ओलीले प्रधानमन्त्री कार्यालयका सल्लाहकार तथा सहयोगीहरूले अख्तियार दुरुपयोग अनुसन्धान आयोगका पदाधिकारी र अधिकारीहरूलाई निर्देशन दिनुका साथै करिब नौ घण्टा नियन्त्रणमा राखेको भन्दै आफूहरूले चाहेअनुसार निर्णय गर्न दबाब दिएको आरोप सार्वजनिक भएको बताए।