एनपीएल उपाधि जितेपछि रोहित पौडेल भन्छन् - ‘कार होइन, मेरो लक्ष्य ट्रफी नै थियो’

काठमाडौं - नेपाल प्रिमियर लिग (एनपीएल) को उपाधि जितेपछि कप्तान रोहित पौडेलले व्यक्तिगत पुरस्कारभन्दा टिमको लक्ष्य नै आफ्नो मुख्य प्राथमिकता भएको बताएका छन्। प्रतियोगितामा उत्कृष्ट प्रदर्शन गर्दै कार पुरस्कार जिते पनि उनले सुरुदेखि नै ट्रफी जित्ने लक्ष्य बोकेर मैदान उत्रिएको स्पष्ट पारे।

“मैले कारको बारेमा सोचेकै थिइनँ। मेरो दिमागमा कसरी ट्रफी जित्ने भन्ने मात्र थियो,” रोहितले भने, “त्यो प्रक्रियामा राम्रो खेल्दै जाँदा कार पनि पछि आयो, तर मुख्य लक्ष्य ट्रफी जित्नु नै थियो र त्यो हासिल गर्नुपर्ने थियो।”