गोरेटो बाटोमा भेटिएको शवको रहस्य खुल्यो : श्रीमती र छोराले गरे हत्या

सुर्खेत। कालीकोटमा आफ्नै श्रीमती र छोराद्वारा एक व्यक्तिको हत्या भएको छ। सान्नीत्रिवेणी गाउँपालिका–४ का ४८ वर्षीय सूर्यबहादुर शाहीको आफ्नै श्रीमती र छोराले हत्या गरेको खुलेको हो।

जिल्ला प्रहरी कार्यालय कालिकोटका सूचना अधिकारी गणेश ज्ञवालीका अनुसार, गत जेठ २७ गते सान्नीत्रिवेणी गाउँपालिका–९, सुपेचौरको गोरेटो बाटोमा सूर्यबहादुर मृत अवस्थामा भेटिएका थिए।