हैवान: अक्षय–सैफको पुनर्मिलन, असन्तुलित संयोजनले बढायो निराशा

अक्षय कुमार र सैफ अली खान अभिनीत बहुप्रतीक्षित बलिउड फिल्म ‘हैवान’ले दर्शकलाई अपेक्षाअनुसार प्रभाव पार्न नसकेको समीक्षा सार्वजनिक भएको छ। प्रियदर्शन निर्देशित यो फिल्मले अपराध, एक्सन, भावनात्मकता र हास्यलाई एकसाथ प्रस्तुत गर्ने प्रयास गरे पनि विभिन्न विधाबीचको असन्तुलित संयोजन यसको कमजोर पक्ष बनेको समीक्षकको निष्कर्ष छ।

‘हैवान’ प्रियदर्शनकै निर्देशनमा बनेको सन् २०१६ को मलयालम फिल्म ‘ओप्पम’मा आधारित छ। फिल्ममा सैफ अली खानले दृष्टिविहीन श्यामको भूमिका निर्वाह गरेका छन् भने अक्षय कुमारले हत्यारा परशुरामको भूमिका निभाएका छन्। मूल कथावस्तुलाई धेरै हदसम्म पछ्याइएको भए पनि हिन्दी संस्करणले त्यसमा पर्याप्त नयाँपन थप्न नसकेको समीक्षा गरिएको छ।