ट्रमा सेन्टरमा अत्याधुनिक एमआरआई र सिटी स्क्यान आउँदै

काठमाडौं- राष्ट्रिय ट्रमा सेन्टरमा लामो समयदेखि रहेको स्वास्थ्य उपकरणको अभाव टर्ने भएको छ। सेन्टरले बिरामीको चापलाई मध्यनजर गर्दै अत्याधुनिक एमआरआई र नयाँ सिटी स्क्यान मेसिन खरिद गर्ने प्रक्रियालाई अन्तिम चरणमा पुर्‍याएको छ। दुवै उपकरण खरिदका लागि अस्पताल प्रशासनले बोलपत्र स्वीकृत गर्ने आशयको सूचना जारी गरेसँगै यी उपकरणहरू भित्रिने निश्चित भएको हो।

यी नयाँ मेसिनहरू जडान भएपछि दैनिक १०० भन्दा बढी बिरामीले ट्रमा सेन्टरभित्रै सहज र सुलभ रूपमा सेवा पाउने छन्। यसअघि अस्पतालमा एमआरआई उपकरण नहुँदा र सिटी स्क्यान मेसिन पुराना र पटक पटक बिग्रने हुँदा अधिकांश बिरामीहरू बाहिरका निजी संस्थामा महँगो शुल्कमा एमआरआई र सिटी स्क्यान गराउन बाध्य थिए।