सरकार ढाल्ने योजना असफल भएपछि बोली फेरे प्रचण्डले, अब सडक आन्दोलनको ट्रायल

कांग्रेस र एमालेको बुइँमा चढेर डेढ वर्ष सरकार चलाएका पुष्पकमल दाहाल प्रचण्ड प्रधानमन्त्रीबाट पदमुक्त भएपछि बेचैनीमा छन्। उनी कहिले सरकार ढाल्न हरप्रयासमा रहन्छन् भने कहिले अब कांग्रेस र एमालेसँग कहिल्यै पनि गठबन्धन नगर्ने भनेर बताइरहेका छन्।

असोजमा प्रधानमन्त्री केपी शर्मा ओली अमेरिका भ्रमणमा रहेका बेला प्रचण्डले सरकार ढाल्ने अनेकन प्रयास गरे। कांग्रेस सभापति शेरबहादुर देउवालाई ०८४ सम्मै प्रधानमन्त्री बन्न प्रचण्डले सन्देश समेत पुर्याएका थिए। र, सार्वजनिक समारोहमा पनि उनी अब सरकार धेरै दिन नटिक्ने बताइरहे।