सन् १९६० मा आजकै दिन : राष्ट्रपति उम्मेदवारबीच टेलिभिजन बहस

काठमाडौँ — सन् १९६० मा आजकै दिन (सेप्टेम्बर २६) मा अमेरिकी राष्ट्रपतिका उम्मेदवारहरूबीच पहिलो टेलिभिजन बहस भएको थियो ।

राष्ट्रपतिका उम्मेदवारद्वय जोन एफ केनेडी र रिचार्ड निक्सनबीच अमेरिकाको सिकागोस्थित सीबीएस (कोलम्बिया ब्रोडकास्टिङ सिस्टम) को स्टुडियोमा उपस्थित भएर बहस गरेका थिए । त्यति बेला निक्सन रिपब्लिकन पार्टीका तर्फबाट उपराष्ट्रपतिको भूमिकामा थिए । डेमोक्रेटिक दलका केनेडी भने माथिल्लो सदन सिनेटका सदस्य थिए ।