राष्ट्रिय सभाको उम्मेदवार सिफारिसमा कांग्रेसबाट सभापति देउवाको एकलौटी

काठमाडौं । सत्तारूढ दल नेपाली कांग्रेसका सभापति शेरबहादुर देउवा राष्ट्रिय सभामा पटकपटक अवसर पाएकालाई प्राथमिकतामा राख्दै उम्मेदवार बनाउन खोजेका छन् । देउवाले आफू पक्षका ६ जनालाई राष्ट्रिय सभामा लैजाँदै छन् ।

देउवाले राष्ट्रिय सभामा लैजान लागेमध्ये निर्वाचनमा पराजित भएकादेखि आफ्नो विश्वासमा रहेका नेतालाई राष्ट्रिय सभा निर्वाचनमा सिफारिस गर्न लागेको काँग्रेसका एक नेताले जानकारी दिए । अघिल्लो वर्ष मंसिरमा भएको निर्वाचनमा झापा–३ बाट पराजित कृष्णप्रसाद सिटौला, अर्घाखाँचीबाट पराजित भएकी नेतृ पुष्पा भुसाललाई राष्ट्रिय सभामा लैजाने सूचीमा छन् ।