मादी मिदिम साकोसका सञ्चालकहरू ६४ जना विरुद्ध पाँच करोड बढी हिनामिना गरेको अभियोगमा मुद्दा दर्ता

लमजुङ । लमजुङको मध्यनेपाल नगरपालिका– ६ को भोर्लेटारमा केन्द्रीय कार्यलय रहेको मादी मिदिम ऋण तथा बचत सहकारी संस्था लि.(साकोस)मा सेयर सदस्यहरूले जम्मा गरेको पाँच करोड बढी रकम हिनामिना गरेको अभियोगमा सो साकोसका सञ्चालक तथा केही सेयर सदस्यहरूका विरुद्ध जिल्ला अदालतमा मुद्दा दर्ता भएको छ । जिल्ला न्यायाधीवक्ताको कार्यालयमार्फत लमजुङ जिल्ला अदालतमा सो मुद्दा दर्ता गरिएको हो ।

२०७० सालमा सञ्चालनमा आएको सो सहकारीको कार्यक्षेत्र नभएको मध्यनेपाल नगरपालिका– ४ मा समेत सेवा केन्द्र सञ्चालनमा रहेको त्यस संस्थाका अध्यक्ष राजेन्द्र पौडेलले स्वीकार गरेका छन् । अर्को शाखा सोही नगरपालिका– ७ को रामबजारमा सञ्चालित थियो ।