कर्णालीमा एमालेले भन्यो– ‘मन्त्री नै आयोजक हुने, त्यसमा सरकारको लगानी हुने कुरा अलिकति स्वार्थ बाझिएको हो कि ?’

सुर्खेत । कर्णालीमा सत्ताको नेतृत्व गरिरहेको नेकपा एमालेले आर्थिक मामिला तथा योजनामन्त्री राजीवविक्रम शाहको गतिविधिमाथि गम्भीर प्रश्न उठाएको छ ।

एमाले संसदीय दलका प्रमुख सचेतक टेकराज पछाईंले शुक्रबारको प्रदेश सभा बैठकमा मन्त्री नै आयोजक हुने र त्यसमा सरकारको लगानी हुने कुरा अलिकति स्वार्थ बाझिएको हो कि भन्दै प्रश्न उठाए ।