बैतडीमा दुर्घटना अपडेट : एक जनाको मृत्यु, १० जना घाइते

बैतडीको दशरथचन्द राजमार्गअन्तर्गत साईलक क्षेत्रमा बुधबार साँझ यात्रु बस दुर्घटना हुँदा एक जनाको मृत्यु भएको छ भने १० जना घाइते भएका छन् ।

जिल्ला प्रहरी कार्यालय बैतडीका अनुसार धनगढीबाट बैतडीतर्फ आउँदै गरेको सुदूरपश्चिम यातायातको सुदूरपश्चिम प्रदेश ०१–००१ ख ३६४६ नम्बरको बस साँझ करिब ५ बजेर ४० मिनेटमा दशरथचन्द नगरपालिका–४ को साईलक क्षेत्रमा अनियन्त्रित भई सडकबाट करिब २५ देखि ३० मिटर तल खसेको हो ।