आईपीएलमा मुम्बईलाई हराउँदै लखनऊ तेस्रो स्थानमा

१९ वैशाख, काठमाडौं । लखनऊ सुपर जायन्ट्सले इन्डियन प्रिमियर लिग (आईपीएल) २०२४ को ४८ औं खेलमा मुम्बई इन्डियन्सलाई ४ विकेटले हराएको छ । यो जितसँगै १२ अंकका साथ लखनऊ तेस्रो स्थानमा उक्लिएको छ ।

१४५ रनको लक्ष्य पछ्याएको लखनऊले १९.२ ओभरमा ६ विकेट गुमाउँदै पूरा गर्‍यो । मार्कस स्टोइनिसले ४५ बलमा ७ चौका र २ छक्कासहित सर्वाधिक ६२ रन बनाए । लोकेश राहुल २८, दीपक हुडा १८, एश्र्टन टर्नर ५ र निकोलस पुरनले १४ रन जोडे ।