म्यानचेस्टर युनाइटेड र वुल्भ्स बराबरीमा रोकिए

काठमाडौँ । प्रिमियर लिग अन्तर्गत आज भएको खेलमा म्यानचेस्टर युनाइटेड र वुल्भ्सले १–१ को बराबरी खेलेका छन् । खेलको २७ औँ मिनेटमा म्यानचेस्टर युनाइटेडका जोशुवा जिर्क्जीले गोल गर्दै टोलीलाई अग्रता दिलाएका थिए ।

तर पहिलो हाफको अन्त्यतिर, ४५औँ मिनेटमा वुल्भ्सका लाडिस्लाभ क्रेइचीले बराबरी गोल फर्काउँदै खेल बराबरीमा ल्याए । त्यसपछि दुवै टोलीले अवसर सिर्जना गरे पनि थप गोल हुन सकेन ।