सूर्य नेपाल प्रिमियर गल्फ च्याम्पियनसिप : सुवासलाई प्ले अफमा उपाधि
baahrakhari.com · Fri Jun 19 15:34:04 GMT 2026
काठमाडौं । सूर्य नेपाल गल्फ टुर २०२५–२६ अन्तर्गत सिजनको अन्तिम प्रतियोगिता सूर्य नेपाल प्रिमियर गल्फ च्याम्पियनसिपको उपाधि सुवास तामाङले प्ले–अफमा जितेका छन् । प्ले–अफको पहिलो होलमा भुवन नगरकोटी र एमेच्योर सदभाव आचार्यलाई हराउँदै उनी च्याम्पियन भएका हुन् । उनले उपाधिसँगै तीन लाख २० हजार नगद पुरस्कार जिते ।
सुवास, भुवन र सदभाव तीनैजनाले ७२ होलको खेल समग्रमा १८–अन्डर २७० मा सकाए । यो सँगै खेलको निर्णय प्ले–अफबाट भयो । प्ले–अफमा सुवासले पार खेले । भुवन र सदभाव दुवैले पार पट मिस गरे । योसँगै सुवास च्याम्पियन बने । भुवन दोस्रो भए । उनले नगद दुई लाख ६ हजार पाए ।
स्रोतमा पूरा पढ्नुहोस् (baahrakhari.com)