कक्षा १२ को नतिजा ४० दिनमा आएको भन्दै शिक्षामन्त्रीले दिए धन्यवाद

काठमाडौँ । शिक्षा तथा खेलकुदमन्त्री सस्मित पोखरेलले कक्षा १२ को परीक्षाफल ४० दिनभित्रै सार्वजनिक गरेको भन्दै शिक्षक, कर्मचारी, राष्ट्रिय परीक्षा बोर्ड, सुरक्षा निकायलाई धन्यवाद दिएका छन् ।

शुक्रबार सामाजिक सञ्जाल फेसबुकमार्फत शिक्षामन्त्री पोखरेलले परीक्षा सञ्चालन, उत्तरपुस्तिका परीक्षणदेखि नतिजा प्रकाशनसम्म समर्पित भई खटेको भन्दै शिक्षक, कर्मचारी, राष्ट्रिय परीक्षा बोर्ड, सुरक्षा निकाय र प्रत्यक्ष वा अप्रत्यक्ष रूपमा सहयोग पुर्‍याउने सबैप्रति हार्दिक आभार प्रकट गरेका हुन् ।

कक्षा १२ काे नतिजा आज प्रकाशित भएकाे थियाे। कक्षा १२ को परीक्षा गत वैशाख १४ गतेदेखि भएको थियो ।