१६ वर्षे पेन्सनको प्रस्ताव गृह मन्त्रालयमा पठाए

नेपाल प्रहरीका तल्लो दर्जाका कर्मचारीहरूको मनोबल उच्च बनाउन र लामो समयदेखिको माग सम्बोधन गर्न प्रहरी महानिरीक्षक (आईजीपी) दानबहादुर कार्कीले १६ वर्षे पेन्सनको प्रस्ताव गृह मन्त्रालयमा पठाएका छन्।

आईजीपी कार्कीको ६ महिने कार्यसम्पादन प्रतिवेदनको पहिलो प्राथमिकतामा परेको यस प्रस्तावअनुसार प्रहरी जवानदेखि वरिष्ठ हवल्दारसम्मले १६ वर्षमा र असई (ASI) देखि वरिष्ठ सई (SI) सम्मले १८ वर्ष सेवा अवधि पूरा गरेपछि पेन्सन पाउने व्यवस्था गरिएको छ।

फिल्डमा खटिने तल्लो दर्जाका कर्मचारीको कार्यक्षमता र भविष्यको सुरक्षा सुनिश्चित गर्ने उद्देश्य राखिएको यस प्रस्तावप्रति वर्तमान सरकार सकारात्मक देखिएकाले प्रहरी वृत्तमा नयाँ आशा जागेको छ।