४० वर्ष गुमनाम, एक रातमै सेलिब्रीटी — हिजोसम्म संसारका अधिकांशलाई यो पृथिवीमा केप भर्ड भन्ने

४० वर्ष गुमनाम, एक रातमै सेलिब्रीटी — हिजोसम्म संसारका अधिकांशलाई यो पृथिवीमा केप भर्ड भन्ने देश छ भन्ने पनि थाहा थिएन ।

त्यो देशको खेलाडीलाई त झन् कल्ले चिन्ने । तर हिजोको विश्वकप खेल अविष्मरणीय रह्यो, त्यसको कारण थियो केप भर्डर त्यसका गोलकिपर भोजिन्याको अद्भुत क्षमता । त्यो खेलबाट एकाएक नायक बने भोजिन्या ।

उनि विश्वकपमा खेल्ने सपना बोकेका थिए, तर त्यो पूरा हुँदासम्म उनको जीवनको ४० वर्ष काटीसकेको थियो । तर उनले यति धेरै तयारी गरेका थिए कि उनले एक खेल पनि खेर फालेनन् । र, रातारात सेलिब्रिटी बने । त्यो खेल अघिसम्म उनको फेसबुक फलोवार्स जम्मा ४० हजार थियो, त्यो रातभरमा ५० लाख फलोवार्स नाघ्यो ।

खेलको अन्तिम सिट्ठी बजेपछि उनका आशु थामिएनन् । अफ्रीकाको एउटा सानो टापुजस्तो जसको जनसंख्या नै झन्डै ५ लाख जति मात्र छ, त्यो देशमा जन्मिएका उनलाई विश्वकपमा खेल्ने सपना देख्नु नै मुर्खता जस्तो हुन्थो । आफ्नो हजुरबा-आमाको नजिकमा हुर्किएका उनले आफ्नो जीवनको धेरै समय स्थानीय क्लबमै खेलेर बिताएका थिए ।

उनकी आमासँग पैसा नभएर उनको खेल हेर्न अमेरिकासम्म आउन सकिनन्, उनको खेल हेर्नका लागि हजुरबुवा-आमा आजसम्म जीवित रहेनन् । तर उनले आफ्नो सपना भने कहिल्यै भुलेनन् । र, अन्ततः उनको जीवनमा त्यो समय पनि आयो । र, त्यही एक अवसर उनको लागि पर्याप्त भइदियो ।

यसैले जीवनमा तयारी गरीरहनु पर्छ । अभाव र चुनौतीसँग डराउनु हुँदैन । आफूलाई कहिल्यै सानो र कम्जोर सोच्नु हुँदैन । एक दिन त्यस्तो दिन पनि आउने छ जसले तपाईले दिएको ती सबै त्ययारीलाई सार्थकता दिनेछ । भोजिन्याको जीवनले यही सिकाएको छ ।