बोनम्यारो’ पीडित बालक बिपिनको उपचार खर्च जुटाउन नसकेर परिवार तनावमा

काठमाडौँ । बागलुङका एक बालकको परिवारले दुर्लभ रोग बोनम्यारोको उपचारका लागि सहयोगको याचना गरेका छन् ।

बागलुङको जैमिनी नगरपालिका–१, कुश्मिसेरा भण्डार निवासी ११ वर्षीय बालक बिपिन शर्मा दुर्लभ रोग ‘बोनम्यारो’का कारण स्वास्थ्यमा गम्भीर सङ्कट देखिएको छ ।

बिरामी बालक बिपिनका परिवार भने आर्थिक अभाव भएपछि परिवारले जीवनरक्षाका लागि अपिल गरेका छन् । आर्थिक अवस्था नाजुक रहेका बालक बिपिन हाल काठमाडौँ मेडिकल कलेजमा उपचार भइरहेको छ ।

बिपिनका पिता रामप्रसाद शर्माले विपन्न परिवार रहेका कारण उपचार खर्चका लागि आर्थिक अवस्था अत्यन्त कमजोर भएको बताए ।

छोराको उपचार खर्चका लागि खर्च धान्न नसक्ने अवस्थामा आफू आइपुगेको शर्माले बताए । डाक्टरहरूले उपचारका लागि धेरै खर्च आवश्यक पर्ने भएकाले खर्चको जोहो गर्न भनेपछि परिवार तनावमा परेका छन् ।