काठमाडौँ प्याब्सनका कोषाध्यक्ष मृत फेला

काठमाडौँ । निजी तथा आवासीय विद्यालय अर्गनाइजेशन नेपाल (प्याब्सन)का कोषाध्यक्ष मृत भेटिएका छन्। ४५ वर्षीय दिननाथ अधिकारी तार्केश्वर नगरपालिका वडा नम्बर–८ स्थित आफ्नै घरमा मृत अवस्थामा भेटिएका हुन् ।

तार्केश्वरको शेषमति भेटघाट चोकमा बस्दै आएका अधिकारी शुक्रबार दिउँसो आफ्नै घरको कोठाभित्र झुण्डिएको अवस्थामा मृत भेटिएको जिल्ला प्रहरी परिसर काठमाडौंका एसपी पवन भट्टराईले रातोपाटीलाई बताए ।

करिब साढे १ बजेतिर दुई वटा दराजको बिचमा पर्दा झुण्ड्याउने डण्डी अड्याएर झुण्डिएको देखेपछि आमाले प्रहरीलाई खबर गरेकी थिइन् । उनको शव पोस्टमार्टमका लागी त्रिवि शिक्षण अस्पतालमा राखिएको छ ।

अधिकारी काठमाडौँ महानगरपालिका–१६ बालाजु स्थित नेशनल मोडल सेकेन्डरी स्कुलका प्रिन्सिपल समेत हुन् ।