आर्सनलको दबदबा कायमैः एस्टन भिल्लामाथि ४–१ को शानदार जित

काठमाडौँ । प्रिमियर लिगमा आर्सनलले आफ्नो उत्कृष्ट लयलाई निरन्तरता दिँदै एस्टन भिल्लामाथि ४-१ को प्रभावशाली जित हात पारेको छ । घरेलु मैदानमा बुधबार भएको खेलमा आर्सनलले दोस्रो हाफमा आक्रामक प्रदर्शन गर्दै स्पष्ट जित निकाल्यो ।

खेलको ४८औँ मिनेटमा गाब्रिएल मागाल्हेसले गोल गर्दै आर्सनललाई अग्रता दिलाए । त्यसपछि ५२ औँ मिनेटमा मार्टिन जुबिमेन्डीले गोल थपे भने ६९ औँ मिनेटमा लिएन्ड्रो ट्रोसार्डले तेस्रो गोल गर्दै खेललाई आर्सनलको पक्षमा झन् सजिलो बनाए । ७८औँ मिनेटमा गाब्रिएल जेसुसले गोल गर्दै आर्सनलको जित पक्का गरे ।