एसियाली करातेमा एरिकालाई कास्य पदक

काठमाडौं । नेपालकी एरिका गुरुङले २२औँ सिनियर एसियाली कराते प्रतियोगितामा नेपाललाई कास्य पदक दिलाएकी छिन् ।

इन्डोनेसियाको बालीमा भइरहेको प्रतियोगितामा एरिकाले शुक्रबार महिला ६८ किलोमाथिको तौलसमूहमा नेपाललाइ कास्य पदक दिलाएकी प्रशिक्षक कुशल श्रेष्ठले जानकारी दिए ।

प्रतियोगितामा एरिकाले काजकिस्तानकी ताइसिया उल्टेलबायभालाई ११–२ अंकले हराइन् । यसअघि पहिलो चरणमा ‘वाइ’ पाएकी एरिकाले दोस्रो चरणमा भारतकी जोनी माङखियालाई ८–० अंकले हराउँदै सेमिफाइनलमा स्थान बनाएकी थिइन् ।

#नेपाल

#एरिका गुरुङ

#कराँते प्रतियोगिता