स्कार्फ नेपालको तीन दिने तालिम चितवनमा

सोसाइटी अफ कन्सल्टिङ आर्किटेक्चरल एण्ड इन्जिनियरिङ फम्र्स (स्कार्फ नेपाल) ले सरकारी विभाग र मन्त्रालयअन्तर्गतका परियोजनाको सरोकारवाला निकायको व्यावसायिक क्षमता अभिबृद्धि गर्ने उद्देश्यले तीन दिने तालिम सुरु गरेको छ ।

चितवनको भरतपुरमा शुक्रबारदेखि सुरु भएको तालिममा पर्यावरणमैत्री र दिगो भविष्यका लागि भवन निर्माणका आधुनिक सिद्धान्तहरूलाई प्रवर्धन गर्ने उद्देश्यका साथ कार्यक्रम आयोजना गरिएको हो। तालिम निर्माण व्यवसाय विकास कार्यान्वयन समिति तथा नेपाल निर्माण व्यवसायी महासंघ सँगको सहकार्यमा आयोजना गरिएको हो।

कार्यक्रमको पहिलो दिनको सत्रमा बागमती प्रदेशका उपाध्यक्ष उमानन्द कँडेलले उद्घाटन गर्नुभयो । सो अवसरमा विशेष अतिथिहरू नेपाल निर्माण व्यवसायी महासंघ चितवन जिल्ला अध्यक्ष दिनेशचन्द्र न्यौपाने तथा भरतपुर महानगरपालिकाकी आर्किटेक्ट अस्मिता खनालको उपस्थिति थियो ।

नेपालले निर्माण व्यवसाय विकास कार्यान्वयन समिति, नेपाल निर्माण व्यवसायी महासंघ तथा पेशागत विकास तथा क्षमता निर्माण उपसमिति सँगको संयुक्त पहलमा सम्बन्धित सरकारी विभाग तथा मन्त्रालयका परियोजनाका सरोकारवाला निकायहरूको दक्षता अभिवृद्धि हुने बताइएको छ ।