‘हाम्रै मतले जितेर मन्त्री बन्छन्, तर बगाएको धानको क्षतिपूर्ति दिलाउन पहल गर्दैनन्’ 

हरिनगर (सुनसरी) । सुनसरीको दक्षिणपश्चिमी भारत सीमावर्ती क्षेत्र हरिनगर पुग्दा शनिबार सुखसेना वसन्तपुर टोलका केही मानिस चोकमा गफिएर बसेका थिए । बाँसमा विभिन्न राजनीतिक दलका झन्डा टाँगिएको थियो । तुल, ब्यानर र पर्चाले गाउँ नै रंगिएको देखिन्थ्यो ।

बाँसको टाटी र घरका बार्दलीमा फरक–फरक दलका झन्डा फहर्‍याइएको थियो । तर, निर्वाचनप्रति स्थानीयमा उत्साह देखिँदैन थियो ।