‘राष्ट्रिय दोहोरी गीत प्रतियोगिता २०८३’को उपाधि प्रितम र सपनालाई

काठमाडौँ । ‘राष्ट्रिय दोहोरी गीत प्रतियोगिता २०८३’को विजेता प्रितम पोखरेल र सपना रोका भएका छन् । सांस्कृतिक संस्थान (राष्ट्रिय नाचघर) जमलमा शुक्रबार अबेर राती सम्पन्न प्रतियोगिताको फाइनलमा पोखरेल र रोका विजेता बनेका हुन् । यी दुवैले उपाधिका साथमा नगद दुई लाख पुरस्कार समेत हात परे।

संस्थानले आफ्नो ५४औँ वार्षिकोत्सवको अवसर पारेर पहिलो पटक आयोजना गरेको यो राष्ट्रियस्तरको लोक तथा दोहोरी गीत प्रतियोगितामा मानव रावत र भावना अर्याल दोस्रो भए । उनीहरूले एक लाख नगद पुरस्कार सहित उपाधि हात पारे ।