हुथीमाथि आक्रमण योजनाको ग्रुप च्याट लिक गर्ने पत्रकार ‘ट्रम्प विरोधी’ घोषित

काठमाडौं । अमेरिकी राष्ट्रपतिको कार्यालय ह्वाइट हाउसले हालै वरिष्ठ सुरक्षा एवं सैन्य अधिकारीहरुको ग्रुप च्याट एवं गोप्य संदेश लिक गर्ने पत्रकारलाई ‘ट्रम्प विरोधी’ घोषित गरेको छ ।

ह्वाइट हाउस प्रेस सचिव क्यारोलिन लेभिटले एटलान्टिक पत्रिकाका सम्पादक जेफरी गोल्डबर्गलाई ‘ट्रम्प विरोधी’ करार गरेकी हुन् । यद्यपि, पत्रकार गोल्डबर्गलाई अमेरिकी रक्षा सचिवले नै भुलवस अमेरिकी अधिकारीहरुबीचको ग्रुप च्याटमा जोडेका थिए ।