आत्मघाती गोलमा अमेरिकाले लियो अग्रता

६ असार, काठमाडौं । आत्मघाती गोलमा अमेरिकाले फिफा विश्वकप–२०२६ मा अष्ट्रेलियाविरुद्ध अग्रता लिएको छ ।

सिएटल स्टेडियममा जारी खेलमा अष्ट्रेलियाका डिफेन्डर क्यामरुन बर्गेसले आत्मघाती गोल गर्दा अमेरिकाले अग्रता लिएको हो ।

खेलको ११औं मिनेटमा अमेरिकाका फोलारिन बालोगुनले अष्ट्रेलियाको डिबक्सभित्र क्रस गराएका थिए । त्यसपछि अष्ट्रेलियाका डिफेन्डर क्यामरुनले क्लियर गर्ने क्रममा प्रहार गरेको बल आफ्नै गोलपोष्टमा छिर्दा अमेरिकालाई अग्रता लिने अवसर मिल्यो ।

समूह ‘डी’ मा रहेका दुवै टोलीले यसअघि आफ्नाे पहिलो खेलमा जित निकालेका थिए । अमेरिकाले पाराग्वे र अष्ट्रेलियाले टर्कीलाई पराजित गरेका हुन् ।