मनसुनको चुनौती सामना गर्न नेपाली सेनाको हवाई उद्धार अभ्यास

काठमाडौँ- नेपाली सेनाले मनसुनजन्य विपद्का समयमा उद्धार तथा राहत कार्यलाई थप प्रभावकारी बनाउन सर्लाहीको बागमती ड्याम क्षेत्रमा विपद् प्रतिकार्य तयारी अभ्यास सञ्चालन गरेको छ।

नेपाली सेनाको सूचना तथा जनसम्पर्क निर्देशनालयका अनुसार विपद् प्रतिकार्यका लागि काठमाडौँ विमानस्थलमा स्ट्यान्डबाइ अवस्थामा रहने कम्पोजिट क्विक रियाक्सन टिमले शुक्रबार बागमती ड्याम क्षेत्रमा हवाई उद्धारसहित विभिन्न विपद् प्रतिकार्यसम्बन्धी अभ्यास गरेको हो।