पहिलो हाफमा अमेरिकाको दबदबा, अस्ट्रेलियाविरुद्ध २–० को अग्रता

काठमाडौँ । फिफा विश्वकपको समूह ‘डी’ अन्तर्गत सिएटल स्टेडियममा जारी खेलको पहिलो हाफ सकिँदा अमेरिकाले अस्ट्रेलियाविरुद्ध २–० को स्पष्ट अग्रता बनाएको छ।

खेलको सुरुवातदेखि नै दबाब बनाएको अमेरिकाले ११ औँ मिनेटमा अग्रता लिएको थियो । अस्ट्रेलियाका डिफेन्डर क्यामरून बर्गेसले आत्मघाती गोल गरेपछि अमेरिकाले उपहारस्वरूप पहिलो गोल प्राप्त गर्‍यो ।

त्यसैगरी, पहिलो हाफको निर्धारित समयको अन्तिम मिनेट अर्थात् ४५ औँ मिनेटमा अमेरिकाले दोस्रो गोल थप्यो । उक्त गोललाई भिएआर रिभ्युले मान्यता दिएपछि अमेरिकाले आफ्नो अग्रता दोब्बर पारेको हो ।

पहिलो हाफको खेल सकिँदासम्म अमेरिका २–० ले अगाडि छ । यो नतिजा कायम रहेमा वा थप सुधार भएमा अमेरिका ६ अंकसहित ‘राउन्ड अफ ३२’ मा प्रवेश गर्ने निश्चित हुनेछ । अस्ट्रेलिया भने दोस्रो हाफमा खेलमा फर्कने रणनीतिका साथ मैदान उत्रनेछ ।