पहिलो हाफमा अमेरिकालाई दुई गोलको अग्रता

६ असार, काठमाडौं । अमेरिकाले फिफा विश्वकप–२०२६ अन्तर्गत अष्ट्रेलियाविरुद्ध दुई गोलको अग्रता लिएको छ ।

सिएटल स्टेडियममा जारी खेलको पहिलो हाफमा अमेरिकाले दुई गोलको अग्रता लिएको हो । आत्मघाती गोलमार्फत पहिलो अग्रता लिएको अमेरिकाका लागि एलेक्स फ्रीम्यानले दोस्रो गोल गरे ।

एलेक्सले ४३औं मिनेटमा हेडरमार्फत गोल गर्दै टोलीको अग्रतालाई दोब्बर बनाएका हुन् ।

त्यसअघि अष्ट्रेलियाका क्यामरुन बर्गेसले ११औं मिनेटमा क्लियर गर्ने क्रममा प्रहार गरेको बल आफ्नै गोलपोष्टमा छिर्दा अमेरिकाले पहिलो अग्रता लिएको थियो ।

अमेरिकाले पहिलो हाफमा अष्ट्रेलियालाई दबाबमा राख्न सफल भएको छ ।