महिला एसिया कप २०२४ : पाकिस्तानलाई तीन विकेटले हराउँदै श्रीलंका फाइनलमा

श्रलंका नवौँ संस्करणको महिला एसिया कप टी–२० प्रतियोगिताको फाइनलमा प्रवेश गरेको छ । शुक्रबार राति सम्पन्न सेमिफाइनल खेलमा पाकिस्तानलाई तीन विकेटले हराउँदै श्रीलंका फाइनल प्रवेश गरेको हो ।

सेमिफाइनलमा पाकिस्तानले दिएको १ सय ४१ रनको लक्ष्य श्रीलंकाले १९.५ ओभरमा ७ विकेट गुमाएर पूरा गर्‍यो । उसका लागि कप्तान चमारी अथपथुले अर्धशतकीय पारी खेलिन् ।उनले ४८ बलमा ९ चौका र एक छक्कासहित ६३ रन बनाइन् । यस्तै, अनुष्का सञ्जीवनीले अविजित २४, कविशा दिल्हारीले १७, हर्षिता समरविक्रमले १२ र सुगण्डिका कुमारीले १० रन बनाए ।