संविधान संशोधनमा तमलोपाको सुझाव : 'समग्र मधेस दुई प्रदेश' र पूर्ण समानुपातिक निर्वाचन प्रणाली हाेस्

काठमाडौँ । तराई–मधेस लोकतान्त्रिक पार्टी (तमलोपा)ले संविधान संशोधनका लागि गठित कार्यदललाई आफ्नो औपचारिक सुझाव बुझाएको छ। पार्टीले सङ्घीयताको सुदृढीकरण, निर्वाचन प्रणालीमा सुधार र मधेस आन्दोलनको पहिचानलाई प्राथमिकता दिँदै ८ बुँदे सुझाव पेश गरेको हो।

तमलोपाले सुझाव पेश गर्ने क्रममा कार्यदलको कार्यविधि र शैलीमाथि समेत प्रश्न उठाएको छ। संशोधनको आवश्यकता, औचित्य र मूल विषयवस्तुबारे कार्यदलको आफ्नै धारणा सार्वजनिक भए मात्र बहस सार्थक हुने तमलोपाको ठहर छ।