नेकपाबाट निर्वाचित स्थानीय तहका प्रमुख र उपप्रमुखको प्रशिक्षण भेला आज

काठमाडौं : नेपाली कम्युनिष्ट पार्टीका तर्फबाट स्थानीय तहमा निर्वाचित प्रमुख र उपप्रमुखको प्रशिक्षण भेला गर्ने भएको छ । आज र भोलि प्रज्ञा भवन, कमलादीमा पार्टीका तर्फबाट निर्वाचित प्रमुख र उपप्रमुखको भेला गर्न लागेको केन्द्रीय कार्यालका मुख्य सचिव गणेश पुनले जानकारी दिए।

पुनका अनुसार पार्टीको केन्द्रीय स्थानीय तह विभागद्वारा पार्टी संयोजक पुष्पकमल दाहाल 'प्रचण्ड'को र सहसंयोजक माधवकुमार नेपालसमेत सहभागी हुनेछन्। कार्यक्रममा प्रदेश पार्टीका इञ्चार्ज र संयोजक, स्थानीय तह तथा जिल्ला समन्वय समितिका प्रमुख/उपप्रमुख र अध्यक्ष / उपाध्यक्ष पदमा दुवै नेपाली कम्युनिष्ट पार्टीका पदाधिकारी रहेको भए प्रमुख तथा अध्यक्ष ( एक जना मात्र ) को नै सहभागिता हुनुपर्ने र पदाधिकारीमा उपप्रमुख र उपाध्यक्ष मात्र रहेको भए स्वयम्‌को पनि अनिवार्य उपस्थिति हुन निर्देशन दिइएको छ।