दशगजा क्षेत्रमा एक पुरुष मृत फेला

काठमाडौँ । सर्लाहीको पर्सा गाउँपालिका–१ सितलपुर टोल नजिक नेपाल–भारत सीमास्थित दशगजा क्षेत्रमा एक पुरुष मृत अवस्थामा फेला परेका छन्।

इलाका प्रहरी कार्यालय संग्रामपुरबाट खटिएको गस्ती टोलीले मङ्गलवार दिउँसो करिब ३:१० बजे गस्ती गर्ने क्रममा बाटोको छेउमा ती पुरुषलाई मृत अवस्थामा फेला पारेको हो। मृतकको उमेर अन्दाजी ४५ देखि ५० वर्ष रहेको प्रहरीले जनाएको छ।