बीमा प्राधिकरणको अध्यक्षका लागि आवेदन आह्वान, कति चाहिन्छ योग्यता ?

काठमाडौं । नेपाल बीमा प्राधिकरणको अध्यक्ष नियुक्तिका लागि नाम सिफारिस गर्न गठन गरिएको सिफारिस समितिले आवेदन आह्वान गरेको छ। अर्थ मन्त्रालयद्वारा प्रकाशित सूचनाअनुसार प्रचलित कानुनबमोजिम योग्यता पुगेका नेपाली नागरिकले आवेदन दिन सक्नेछन् । इच्छुक उम्मेदवारले सूचना प्रकाशित भएको मितिले सात दिनभित्र आवेदन पेश गर्नुपर्ने जनाइएको छ ।

आवेदन अर्थ मन्त्रालयको वित्तीय क्षेत्र व्यवस्थापन तथा संस्थान समन्वय महाशाखा, सिंहदरबार काठमाडौंमा बुझाउनुपर्नेछ । साथै, आवेदनसँगै व्यक्तिगत विवरणसमेत संलग्न गर्नुपर्ने सूचनामा उल्लेख गरिएको छ ।