मकैदेखि सुन्तलासम्म असिनाले नष्ट, बागलुङमा किसान चिन्तित

बागलुङमा असिना र वर्षासँगै आएको पानीले जिल्लाका विभिन्न स्थानमा लगाइएका कृषि बालीमा ठुलो क्षति पुर्‍याएको छ । असिनापानीका कारण मकै, सुन्तला, किवी, अकबरे खुर्सानीलगायत बालीमा क्षति पुगेको कृषि विकास कार्यालय बागलुङका प्रमुख कुमार पुनले जानकारी दिनुभयो ।

हालसम्म यकिन तथ्याङ्क नआए पनि जिल्लाका सबै पालिकामा क्षति पुगेको उहाँले बताउनुभयो । “जिल्लाका करिब सबै पालिकामा क्षति पुगेको छ,” पुनले भन्नुभयो, “तुलनात्मक रूपमा निसीखोला र ताराखोला गाउँपालिकामा कम छ भने अन्य पालिकामा बढी क्षति भएको छ ।”