इजरायलले माग्यो भारी मात्रामा नेपाली कामदार, ४५ किलो तौल र डेढ मिटर उचाइ चाहिने

काठमाडौं । इजरायलमा ठूलो संख्यामा नेपाली कामदार मागेको छ । बुधबार वैदेशिक रोजगार विभागले जारी गरेको सूचनाअनुसार इजरायलले दीर्घकालीन स्याहार केन्द्रका लागि २३०० जना नेपाली कामदार माग गरेको हो।

योग्यता समेत तोकेर माग गरिएको यो मागअनुसार उमेर, उचाइ र तौल समेत तोकिएको छ । योग्यता पुगेका इच्छुक नेपाली नागरिकले यो सूचना प्रकाशन गरिएको मितिले २१ दिनभित्र रोजगार विभागको वेब पोर्टल ferms.dofe.gov.np मा अनलाइन आवेदन दर्ता गर्न सकिने सूचनामा उल्लेख गरिएको छ।