क्षेत्रीय शान्तिका लागि पाकिस्तानी प्रधानमन्त्री र साउदी क्राउन प्रिन्सबिच संवाद

पाकिस्तानका प्रधानमन्त्री शहबाज शरिफ र साउदी अरबका क्राउन प्रिन्स मोहम्मद बिन सलमानबिच क्षेत्रीय शान्तिका प्रयासहरूका बारेमा शुक्रबार कुराकानी भएको छ।

यस क्षेत्रमा शान्ति स्थापनाका लागि इस्लामावादले गरिरहेको प्रयासलाई साउदी अरबले समर्थन गरेकोमा प्रधानमन्त्री शरिफले साउदी क्राउन प्रिन्सलाई धन्यवाद व्यक्त गरेका छन् ।

वार्तापछि प्रधानमन्त्री शरिफले भनेका छन्, ‘हामी यस कुरामा सहमत भएका छौँ कि वार्ताको आगामी चरण संवाद, कूटनीति र शान्ति प्रक्रियालाई कमजोर पार्ने कुनै पनि प्रयास विरुद्धको दृढ प्रतिबद्धता र सतर्कताबाट निर्देशित हुनुपर्छ।’

सो क्रममा प्रधानमन्त्री शरिफले साउदी अरबको स्थिरता र संकटको समयमा क्षेत्रीय शान्तिका लागि साउदीले देखाएको महत्त्वपूर्ण प्रतिबद्धताको समेत उच्च प्रशंसा गरेका छन् ।