सुनकोशी मरिण डाइभर्सनको काम नगर्ने रमण कन्स्ट्रक्सन कालोसूचीमा

काठमाडौं । राष्ट्रिय गौरवको सुनकोशी मरिण डाइभर्सन बहुउद्देश्यीय आयोजना निर्माणमा ढिलासुस्ती गरेको आरोपमा ठेकेदार कम्पनी रमण कन्स्ट्रक्सन र भारतको पटेल इन्जिनियरिङ लिमिटेड सहभागी रहेको रमण–पटेल जेभीलाई सरकारले तीन वर्षका लागि कालोसूचीमा राखेको छ।

प्रधानमन्त्री तथा मन्त्रिपरिषद् कार्यालयअन्तर्गतको सार्वजनिक खरिद अनुगमन कार्यालय ले रमण–पटेल जेभीसहित ११ कम्पनीलाई कालोसूचीमा समावेश गरेको हो। कालोसूचीमा परेका कम्पनीहरूले तोकिएको अवधिभर सार्वजनिक खरिद प्रक्रियामा सहभागी हुन पाउने छैनन्।