भीमनारायण गोल्डकप : बेलबारी र सातदोबाटो भिड्दै

धनकुटा । शहीद भीमनारायण गोल्डकपको १८ औं संस्करण अन्तरगत आज बुधबार अपराह्न हुने पहिलो चरणको अन्तिम खेल हुँदैछ । पहिलो चरणको अन्तिम खेलमा बेलबारी फुटबल क्लब मोरङ र सातदोबाटो फुटबल क्लब ललितपुर भिड्दै छन् ।

शहीद भीमनारायण स्मृति प्रतिष्ठान धनकुटाको आयोजनामा आइतबारदेखि जारी प्रतियोगिताको मंगलबार सम्पन्न पहिलो चरणको तेस्रो खेलमा आयोज सहिद भीमनारायण स्मृति प्रतिष्ठान सेमिफाइनल प्रवेश गरेको छ । भारतको जर्जियन फुटबल क्लबलाई हराउँदै आयोजकले सेमिफाइनल यात्रा सुरक्षित गरेको हो ।