गैरकानुनी स्वास्थ्य क्लिनिक सिल, म्याद गुज्रिएका सामग्री नष्ट

सल्यानमा गैरकानुनी रूपमा सञ्चालन हुँदै आएको एक स्वास्थ्य क्लिनिक सिल गरिएको छ । वनगाड कुपिण्डे नगरपालिकामा सञ्चालन भइरहेको बजार अनुगमनको दोस्रो दिन मङ्गलबार वडा नं. ७ ढोरपिपलस्थित विपिन स्वास्थ्य सेवा क्लिनिक आवश्यक कानुनी प्रक्रिया पूरा नगरी सञ्चालन भएको पाइएपछि प्रहरीले मुचुल्कासहित सिल गरेको हो ।

नगरपालिकाका जनप्रतिनिधि, कर्मचारी तथा सुरक्षाकर्मीको संयुक्त टोलीले बालुवासंग्रही, ढोरपिपल, बाबियाचौर र जयतपानी बजार क्षेत्रमा व्यवसाय दर्ता तथा नवीकरण, खाद्य तथा पेय पदार्थको गुणस्तर, म्याद तथा सेवा प्रवाहको अवस्थाबारे अनुगमन गरेको थियो ।