रावतको दाहसंस्कारमा कसैको आँखा ओभाना थिएनन्

दैलेख । गत शुक्रबार बालकुमारी घटनामा प्रहरीको गोली लागेर मृत्यु भएका दैलेख महाबु गाउँपालिका–६ का २३ वर्षीय सुजन राउतको शव घर परिवारले बुझेर धार्मिक संस्कारअनुसार दाहसंस्कार गरेका छन् । शव नेपाली सेनाको स्काई ट्रकमार्फत् मंगलबार दिउँसो २ बजे अस्थायी रूपमा नारायण नगरपालिका–६ काँडाचौरमा बसोबास गर्दै आएका परिवारलाई हस्तान्तरण गरिएको थियो ।

शव बुझेपछि हिन्दु परम्पराअनुसार शिरस्थानस्थित आर्यघाटमा लगेर ४ बजे दाहसंस्कार गरिएको हो । सयौंको संख्यामा रहेका स्थानीयले घरबाट शवलाई दैलेख सदरमुकाम परिक्रमापश्चात् आर्यघाटमा लगी दाहसंस्कार गरेका हुन् ।