बीमा प्राधिकरणको अध्यक्षका लागि दरखास्त आह्वान

काठमाडौँ । सरकारले नेपाल बीमा प्राधिकरणको अध्यक्षका लागि दरखास्त माग गरेको छ । प्राधिकरणको अध्यक्ष नियुक्तिका लागि सिफारिस समितिले एक सूचना जारी गर्दै अध्यक्षका लागि दरखास्त मागेको हो ।

प्राधिकरणको अध्यक्ष पदका लागि इच्छुक तथा योग्य व्यक्तिले जेठ १९ गतेभित्र अर्थ मन्त्रालयको वित्तीय क्षेत्र व्यवस्थापन तथा संस्थान समन्वय महाशाखामा रहेको समिति सचिवालयमा आवेदन दिन सक्ने सूचनामा भनिएको छ ।