नेपाल बीमा प्राधिकरणको अध्यक्षका लागि आवेदन खुला, यस्तो छ योग्यता र अनुभवको मापदण्ड

काठमाडौं– सरकारले नेपाल बीमा प्राधिकरण को अध्यक्ष पदका लागि दरखास्त आह्वान गरेको छ । अध्यक्ष नियुक्तिका लागि गठित सिफारिस समितिले सार्वजनिक सूचना जारी गर्दै योग्य उम्मेदवारबाट आवेदन मागेको हो ।

सूचनाअनुसार अध्यक्ष पदका लागि आवेदन दिने व्यक्ति उच्च नैतिक चरित्र भएको हुनुपर्नेछ भने ‘बीमा ऐन, २०७९’ बमोजिम अयोग्य घोषित नभएको हुनुपर्नेछ । साथै अर्थ मन्त्रालयअन्तर्गत सार्वजनिक निकायका पदाधिकारी तथा सदस्यको नियुक्ति तथा मनोनयनसम्बन्धी मापदण्ड, २०७३ अनुसार उमेर ३० वर्ष पूरा भई ६५ वर्ष ननाघेको हुनुपर्ने व्यवस्था गरिएको छ ।